Türkiyənin Qaziantep şəhərinin Nurdağı rayonunda mikroavtobusun sürücüsünün idarəetməni itirərək dərəyə aşması nəticəsində 1 nəfər ölüb, 3 nəfər yaralanıb.

Qaziler.az Türkiyə mətbuatına istinadən bildirir ki, qəza axşam saatlarında Nurdağı-Kahramanmaraş yolunun 4-cü kilometrliyində baş verib. . Mikroavtobus sürücüsünün idarəetməni itirməsi nəticəsində avtobus dərəyə aşıb.

Xəbər üzərinə qəza yerinə xilasetmə, jandarma və sağlamlıq qrupları gəlib.

Xilasedicilər mikroavtobusda qalmış 4 nəfəri çıxararaq təcili tibbi yardım briqadasına təhvil veriblər.

Avtobusda olan Hediye Adıgüzelin öldüyü müəyyən edilib.

Yaralı sürücü və mikroavtobusda olan iki nəfər Nurdağı Dövlət Xəstəxanasına çatdırılıb.

QAZİLER.AZ