Müttəfiq ölkələr Ukraynaya yardımı artırmalıdır. Bu üç istiqaməti bərpa etməyə kömək etməlidir.

Qaziler.az RBC-Ukrayna-ya istinadən xəbər verir ki, bunu NATO-nun baş katibi Mark Rutte Ukrayna-NATO Şurasının iclası başlamazdan əvvəl bəyan edib.

Onun sözlərinə görə, ilk növbədə Ukraynaya enerji şəbəkələrini və enerji infrastrukturunu mümkün qədər bərpa etməyə kömək etmək lazımdır.

"Biz qışın Ukraynaya qarşı silaha çevrilməsinə imkan verə bilmərik. Biz bu səhər (ABŞ dövlət katibi - red.) Toni Blinkenlə bunu müzakirə etdik və bu, həlledici elementdir", - Rutte bildirib.

İkinci istiqamət Ukraynada etibarlı hava hücumundan müdafiəni təmin etməkdir.

"Biz artıq çox şey etmişik, lakin ölkənin hava hücumundan müdafiə baxımından mümkün qədər təhlükəsiz olmasını təmin etmək üçün daha çox işlər görülməlidir. Üçüncüsü: biz əmin olmalıyıq ki, hərbi yardım Ukraynaya çatacaq”, - Rutte vurğulayıb.

QAZİLER.AZ