Dekabrın 2-də səhər saatlarında "Mautskebeli" media platformasının jurnalisti Giorgi Çaqelişvili saxlanılıb.

Qaziler.az Gürcüstan mətbuatına istinadən bildirir ki, bu, təhlükəsizlik qüvvələrinin təqib etdiyi etirazçıların qaçdığı Rustaveli metrostansiyasının foyesində baş verib.

Giorgi Çaqelişvilinin saxlanması müxtəlif mediada işıqlandırılıb. Kadrlardan da göründüyü kimi, Giorgi Çaqelişvili polisə jurnalist olduğunu bildirsə də, buna baxmayaraq, saxlanılıb.

Bundan əlavə, bu gün səhər saatlarında bir polis “Aprili” qəzetinin jurnalisti Georgiy Basxajauriyə hücum edib. Jurnalist Çavçavadze küçəsindəki parklardan birində etirazçıların saxlanmasını lentə alıb.

QAZİLER.AZ