Osetiya məktəbinin 5-ci sinifində oxuyan dörd şagird karandaş üzündən xəstəxanaya yerləşdirilib.

Qaziler.az bildirir ki, bu barədə dekabrın 2-də Şimali Osetiya-Alaniyanın təhsil və elm naziri Ella Əlibekova məlumat verib.

Hadisənin Çermen şəhərindəki 2 saylı təhsil müəssisəsində riyaziyyat dərsi zamanı baş verdiyi dəqiqləşir.

“5-ci sinifdə riyaziyyat dərsi zamanı uşaqlar xətt çəkərkən müəllim qələmləri çıxarmağı xahiş edib. Şagirdlərdən biri plastik karandaş çıxarıb. Dərhal kəskin qoxu yaranıb və dörd  şagirdin halı pisləşib”, - deyə Əlibekova Telegram kanalında yazıb.

Uşaqlar xəstəxanaya yerləşdirilib.

"Hazırda onların vəziyyəti stabildir", - deyə nazir məsələyə aydınlıq gətirib. Onun sözlərinə görə, məktəbdə mütəxəssislər çalışır.

QAZİLER.AZ