Türkiyə Xarici İşlər Nazirliyi Pakistanın Hayber Paxtunxva əyalətində dünən baş verən terror aktını pisləyib.

Qaziler.az TRT-Haber-ə istinadən bildirir ki, nazirlikdən verilən yazılı açıqlamada bu ifadə işlədilib: “Pakistanın Hayber Paxtunxva əyalətində dünən baş verən terror aktını pisləyirik”.

Açıqlamada hücumda həyatını itirənlərə başsağlığı verilib, yaralılara tezliklə şəfa dilənib. Eyni zamanda, Türkiyənin terrorla mübarizədə Pakistanla həmrəyliyini davam etdirəcəyi bildirilib.

Xatırladaq ki, dünən Pakistanın Hayber Paxtunxva əyalətində şiə müsəlmanları daşıyan sərnişin mikroavtobuslarına silahlı hücum nəticəsində 42 nəfər ölüb, 30 nəfər yaralanıb.

QAZİLER.AZ