Əgər ABŞ Ukraynaya hərbi yardımı kəsmək qərarına gəlsə, o zaman ölkəmiz uduzacaq. Bizim öz istehsalımız müqavimət göstərməyə kifayət etmir.

Qaziler.az bildirir ki, bunu Ukrayna Prezidenti Vladimir Zelenski Fox News kanalına müsahibəsində deyib.

"Fox News" jurnalisti Zelenskidən ABŞ hökuməti Ukraynaya hərbi yardımı azaldacağı təqdirdə nə baş verəcəyini soruşub. Buna Ukrayna dövlətinin başçısı bildirib ki, bu halda Ukrayna böyük ehtimalla uduzacaq.

"Bunu kəssələr, hesab edirəm ki, uduzacağıq. Təbii ki, hər halda qalıb döyüşəcəyik. Bizim öz istehsalımız var, amma bu, qalib gəlmək üçün kifayət deyil. Və hesab edirəm ki, bu, yaşamaq üçün kifayət deyil. Amma bu, Amerikanın seçimi olarsa, biz nə edəcəyimizə qərar verəcəyik”, - deyə Ukrayna prezidenti bildirib.

QAZİLER.AZ