Rutte Şimali Koreya qoşunlarının cəlb olunması səbəbindən Ukraynada müharibənin genişləndirilməsi təhlükəsi barədə xəbərdarlıq edib.

Bu yaxınlarda minlərlə Şimali Koreya əsgəri Ukraynaya qarşı döyüşlərdə iştirak etmək üçün Rusiyanın Kursk vilayətinə gəlib. Məlumat Cənubi Koreyanın kəşfiyyat və müdafiə rəsmiləri, həmçinin 32 NATO müttəfiqi və Hind-Sakit okean tərəfdaşlarının iştirak etdiyi toplantıda təqdim edilib.

Qaziler.az bildirir ki,  “Politico”nun məlumatına görə, bunu NATO-nun baş katibi Mark Rutte deyib.

Rusiyada bir əsrdə ilk dəfə olaraq xarici qoşunlar meydana çıxıb ki, bu da Avropa üçün əhəmiyyətli və həyəcanverici hadisədir.

Rutte qeyd edib ki, “Ehtiyatsız Rusiya ilə cəsarətli Şimali Koreya arasında hərbi və iqtisadi əlaqələrin dərinləşməsi təkcə Avro-Atlantik və Hind-Sakit okean təhlükəsizliyini təhdid etmir, onlar qlobal təhlükəsizlik üçün çox təhlükəlidir”.

Ruttenin fikrincə, strateji məqsədlərinə çatmayan Rusiya getdikcə avtoritar rejimlərdən - Çin, İran və Şimali Koreyadan asılı vəziyyətə düşür. Rusiya iqtisadiyyatını dəstəkləməsi üçün Çinə, pilotsuz təyyarələr və raketlər təmin etməsi üçün İrana, döyüş sursatı və qoşun göndərməsi üçün Şimali Koreyaya arxalanır.

1950-ci illərdən bəri heç bir döyüş təcrübəsi olmayan Şimali Koreya əsgərləri Koreya yarımadasında gələcək sabitliyə təhlükə yaradaraq müasir hərbi əməliyyatlarda bacarıqlar əldə etmək üçün unikal imkan əldə edəcəklər. Bunun müqabilində Rusiya çox güman ki, hərbi texnologiyanı Pxenyana ötürəcək və bu, regionda gərginliyi daha da artıracaq.

QAZİLER.AZ