Oktyabrın 25-nə keçən gecə Rusiya qoşunları 63 “Şahed” hücum pilotsuz uçuş aparatı və naməlum tipli digər pilotsuz təyyarələrdən istifadə edərək Ukraynaya kütləvi hücum həyata keçirib. Hücumlar Rusiyanın Orel, Kursk və Primorsko-Axtarsk istiqamətlərindən həyata keçirilib.

Qaziler.az bildirir ki, bu barədə RBC-Ukrayna Ukrayna Hərbi Hava Qüvvələrinin mətbuat xidmətinə istinadən məlumat yayıb.

Ukrayna Hərbi Hava Qüvvələri  tərəfindən hücumların dəf edilməsinə zenit-raket qüvvələri, aviasiya, elektron döyüş bölmələri və Müdafiə Qüvvələrinin mobil atəş qrupları cəlb edilib.

İlkin məlumatlara görə, Ukrayna qüvvələri ölkənin müxtəlif bölgələrində, o cümlədən Odessa, Kiyev, Nikolayev, Dnepropetrovsk, Vinnitsa, Kirovoqrad, Jitomir, Xmelnitski, Çerkassı, Lvov, Rivne və Poltava bölgələrində 36 pilotsuz uçuş aparatını vura bilib.

Pilotsuz təyyarələrin əsas hissəsi Odessa və Kiyev vilayətlərində vurulub.

Bundan əlavə, Rusiyanın 16  pilotsuz uçuş aparatı da "itib".

QAZİLER.AZ