Türkiyənin 31 vilayətində PKK/KCK-PYD/YPG-yə qarşı keçirilən "GÜRZ-20" əməliyyatlarında 176 terror təşkilatı üzvü ələ keçirilib.

Qaziler.az Türkiyə mətbuatına istinadən bildirir ki, bu barədə Türkiyə daxili işlər naziri Ali Yerlikaya sosial media hesabında açıqlama verib.

Nazir Yerlikayanın sosial şəbəkədəki paylaşımında deyilir:

"Millətimizin əmin-amanlığı, birliyi və həmrəyliyi naminə son terrorçu zərərsizləşdirilənə qədər qətiyyətlə mübarizəmizi davam etdirəcəyik. Respublika Baş Prokurorluq və Təhlükəsizlik Kəşfiyyat Baş İdarəsi koordinasiyasında; Adana, Ankara, Antalya, Aydın, Balıkəsir, Bitlis, Bursa, Dənizli, Diyarbəkir, Ərzincan, Ərzurum, Elazığ, Qaziantep, Hakkari, Hatay, Iğdır, İstanbul, İzmir, Qars, Kocaeli, Konya, Malatya, Manisa, Mersin Nevşehir, Siirt, Şanlıurfa, Şırnak, Tekirdağ, Tunceli və Vanda edilən əməliyyatlarda şübhəlilərin;

Terror təşkilatının tərkibində fəaliyyət göstərdikləri,
Onlar terror təşkilatının gənclər strukturunun bir hissəsi olduqları,
Terror təşkilatını maliyyələşdirdikləri, 
Sosial media hesabları vasitəsilə terror təşkilatının təbliğatını apardıqları, 
Onların yolların bağlanması, təkərlərin yandırılması, daş/atəşfəşanlıq/molotov kokteyli atıldığı kimi qanunsuz nümayişlərdə iştirak etdikləri müəyyən edilib.

Əməliyyatların nəticəsi:

Çox sayda sənədsiz tapança, lisenziyasız ov tüfəngləri,
Böyük miqdarda narkotiklərlə
Təşkilati sənədlər və rəqəmsal materiallar götürülüb.

Əməliyyatları koordinasiya edən Baş Prokurorluğumuzu və əməliyyatları həyata keçirən Qəhrəman Polisimizi təbrik edirəm. Allah ayağınıza daş dəyməsin. Millətimizin duaları sizinlədir", - deyilir.

QAZİLER.AZ