“Moskva göz yaşlarına inanmır” filminin ulduzu Raisa Ryazanova remeykin yaradılmasına qarşı çıxdı.

“Moskva göz yaşlarına inanmır” sovet filmində rol alan Rusiyanın xalq artisti Raisa Ryazanova klassik film əsasında serial çəkməyin doğru olmadığını söyləyib.

Qaziler.az bildirir ki, o, bu barədə TASS agentliyinə müsahibəsində danışıb.

Ryazanovanın fikrincə, uğurlu filmlərin davamı və ya remeyklərinin yaradılması sadəcə olaraq ədəbsizlikdir. O, bundan əvvəl məşhur “Oğlan sözü” layihəsinin rəhbəri  Jora Krıjivnikovun rejissoru olduğu “Moskva göz yaşlarına inanmır” serialını belə təsvir edib.

“Onu götürmək lazım deyildi, bu, sadəcə olaraq ədəbsizlikdir! Mən başqa bir pis film götürüb, onu yenidən düzəltməyə çalışardım. Uğurlu filmi götürüb ona başqa bir şey əlavə etmək istəyirlər. Anlamıram ki, bu necə rejissordur”, - deyə aktrisa emosiyalarını bölüşüb.

O, həmçinin aydınlaşdırıb ki, son nəticədə bu cür layihələrin çəkilişinin dəyərinin olub-olmadığı tamaşaçının ixtiyarındadır.

QAZİLER.AZ