Ukraynanın Baş naziri Denis Şmıqal Slovakiyanın baş nazir Robert Fiko ilə görüşüb. Onlar hökumətlərarası məsləhətləşmələr aparacaqlar, bu məsləhətləşmələrdə əsas diqqət birinci görüş zamanı imzalanmış əməkdaşlıq yol xəritəsinin müzakirəsi olacaq.

Qaziler.az bildirir ki, bu barədə RBC-Ukrayna Şmıqalın Telegram-dakı məlumatna istinadən məlumat yayıb.

Xüsusilə, tərəflər birgə infrastruktur layihələri, iqtisadi əməkdaşlıq və enerji təhlükəsizliyi məsələlərini müzakirə edəcəklər. Şmıqal Ukraynaya elektrik enerjisi idxalında Slovakiyanın mühüm rolunu qeyd edərək, ölkənin bu məsələdə həmişə etibarlı tərəfdaş olduğunu vurğulayıb.

Gündəlikdə həmçinin Ukrayna prezidenti Vladimir Zelenskinin sülh planına dəstək, Avropaya inteqrasiya, Ukrayna ərazilərinin minalardan təmizlənməsi, humanitar yardım və Ukraynanın bərpası məsələləri var. Müdafiə təchizatı məsələləri də müzakirə olunacaq.

Həmçinin Ukrayna və Slovakiya arasında “yeni praqmatizm” siyasəti çərçivəsində ikitərəfli sənədlərin imzalanacağı gözlənilir.

QAZİLER.AZ