İsrail İranı müharibəyə təhrik etmək istəyir.

Qaziler.az bildirir ki, bu barədə oktyabrın 7-də “İzvestiya”ya iranlı politoloq Əhməd Vahşiteh bildirib.

Onun sözlərinə görə, İsrailin baş naziri Benyamin Netanyahu həm də yəhudi dövlətini dəstəkləyən ABŞ-da seçki yarışının getdiyini bildiyi üçün İranla qarşıdurma siyasətini həyata keçirir. Buna görə də ABŞ İsrailin baş nazirinin yanaşması ilə fəal mübarizə apara bilmir, politoloq qeyd edib.

"Demək istədiyim odur ki, onlar (İsrail hökuməti - red.) əslində İranı müharibəyə cəlb edir və məncə, onların planı raket mərkəzlərinə, müdafiə və radar sistemlərinə və təbii ki, İranın neft və nüvə infrastrukturuna hücum etməkdir", - Vahşiteh dedi.

Politoloq Netanyahunun İran xalqına müraciətini də xatırladıb. Onun sözlərinə görə, İsrailin baş naziri əmindir ki, İran daxilində vətəndaşlarla hökumət arasında ciddi fikir ayrılıqları olarsa, o zaman xalq xarici hərbi hücumu dəstəkləyəcək. Vahşiteh bu yanlış təsəvvürü Netanyahunun böyük səhvi adlandırıb.

“Biz onun Qəzzada, Livanda İrana hücum etmək üçün nələr etdiyini görürük. Hamı bilir ki, o, şübhəsiz ki, İrana demokratiya gətirə bilməyəcək”.

QAZİLER,AZ