Polşanın xarici işlər naziri Radoslav Sikorskinin Krımın BMT mandatı altında verilə biləcəyi ilə bağlı bəyanatı qəbuledilməzdir.

RBC-Ukrayna xəbər verir ki, bunu Krım tatar xalqı Məclisinin sədri Refat Çubarov deyib.

Bu gün Polşanın xarici işlər naziri Radoslav Sikorski bildirib ki, Krım Ukrayna və Rusiya arasında mümkün sülh danışıqları məsələsində həlledici rol oynayır. Məhz buna görə də yarımadanın probleminin həlli variantlarından biri onun BMT mandatı altında verilməsi ola bilər.

“Krım Rusiya üçün, xüsusən də Putin üçün simvolik əhəmiyyət kəsb edir, lakin Ukrayna üçün strateji baxımdan Krımın demilitarizasiyası olmadan sülhün necə əldə oluna biləcəyini görmürəm”, o deyib.

“Polşanın xarici işlər naziri Radoslav Sikorski açıq şəkildə təklif edib ki, Rusiyanın Ukraynaya qarşı müharibəsini dayandırmaq üçün dövlətimiz Krımı verməlidir”, - deyə Çubarov bildirib.

Onun sözlərinə görə, Krım tatar xalqının Məclisi bu cür bəyanatları qəbuledilməz və kinli hesab edir. Bu bəyanatlar Ukraynanın milli maraqlarına, eləcə də Ukraynanın yerli Krım tatar xalqının hüquq və mənafelərinə cavab vermir.

QAZİLER.AZ