Rusiyanın Çelyabinsk şəhərində 68 saylı məktəbdə məktəbli digər şagirdlərə və müəllimlərə çəkiclə hücum edib, zərərçəkənlər xəstəxanaya yerləşdirilib.

Qaziler.bildirir ki, bu barədə Çelyabinsk vilayətinin qubernatoru Aleksey Teksler sentyabrın 16-da özünün Telegram kanalında məlumat verib.

“Əsas sual, şagirdin çəkici məktəbə necə gətirməsidir. Təhlükəsizlik niyə cavab vermədi? Mən hüquq-mühafizə orqanlarına, Təhsil Nazirliyinə, şəhər rəhbərliyinə, uşaq hüquqları üzrə müvəkkilə tapşırıq verdim ki, vəziyyətə ətraflı baxsınlar”.

Vəziyyət qubernatorun şəxsi nəzarətindədir. Hadisə yerində hüquq-mühafizə orqanlarının əməkdaşları, şəhər meri, uşaq hüquqları üzrə müvəkkil və müstəntiqlər işləyir. Tekslerin tapşırığı ilə bölgədəki bütün təhsil təşkilatlarında da yoxlamalar aparılacaq.

QAZİLER.AZ