Qazaxıstanın Almatı vilayətinin səhiyyə idarəsi sərnişin avtobusunun Kaskelen şəhərinin girişindəki körpüdən aşması nəticəsində xəsarət alan sürücünün vəziyyətini şərh edib.

Qaziler.az Kazinfprm-a istinadən bildirir ki, idarədən verilən məlumata görə, sentyabrın 12-də saat 23:10 radələrində baş vermiş bədbəxt hadisə nəticəsində 8 nəfər zərərçəkmiş Karasay Klinik Multidissiplinar Mərkəzi Rayon Xəstəxanasına yerləşdirilib. Onlardan 7-si müayinə olunub və onlara lazımi köməklik göstərilib. Onlar müvafiq tövsiyələrlə ambulator müalicəyə göndərilib.

-"Bir xəstə travma şöbəsinə yerləşdirilib. Vəziyyəti orta qiymətləndirilir. O, diaqnostika və müalicə protokolu çərçivəsində müalicə alır”, - deyə idarənin mətbuat xidmətindən bildirilib.

Xatırladaq ki, sentyabrın 12-nə keçən gecə “Yutong” avtobusunun sürücüsü Almatı-Bişkek yolunun 25 km-də dönmə manevri edərkən idarəetməsini itirərək körpüdən aşırıb. Qəza zamanı avtobus sürücüsü ayıq olub. Sosial şəbəkələrdə qəza yerindən video yayılıb.

QAZİLER.AZ