Ukraynalı partizanlar Zaporojye vilayətində yeni Rusiya müdafiə xəttinin tikintisini aşkar etdilər. Onlar Ukrayna Silahlı Qüvvələrinin irəliləməsindən qorxurlar.

Qaziler.az bildirir ki, bu barədə RBC-Ukrayna “ATEŞ” partizan hərəkatının Telegram kanalına istinadən məlumat yayıb.

Partizanların dediyi kimi, onların agenti Zaporojye vilayətinin Vışnevo ərazisində rus işğalçı qüvvələrinin yeni müdafiə xəttinin tikintisini qeydə alıb.

Kəşfiyyat zamanı mövqelərin möhkəmləndirilməsi üçün istifadə olunan istehkamlar, səngərlər, mühəndis texnikası, o cümlədən ekskavatorlar aşkar edilib.

“Ukrayna Silahlı Qüvvələrinin cəbhənin müəyyən sahələrində irəliləyişindən qorxduğu üçün Rusiya qoşunları əlavə müdafiə xətləri yaratmaq üçün səylərini əhəmiyyətli dərəcədə artırıb”, - deyə məlumatda bildirilir.

QAZİLER.AZ