Rusiya Müdafiə Nazirliyi Kursk vilayətinin sərhəd bölgəsində Ukrayna Silahlı Qüvvələrinə artilleriya zərbəsinin videosunu nümayiş etdirib.

Qaziler.az "İzvestiya"ya istinadən bildirir ki, Rusiya Müdafiə Nazirliyi “Sever” hərbçi qrupunun Kursk vilayətinin sərhəd bölgəsindəki meşədə Ukrayna Silahlı Qüvvələrinin (USQ) canlı qüvvəsinin cəmləşməsinə artilleriya zərbəsi endirməsinin görüntülərini dərc edib.

Görüntülərdə üç zərbənin endirildiyi görünür. Hücumdan sonra Ukrayna Silahlı Qüvvələrinin yerləşdiyi yerlərin üzərinə tüstü sütunları qalxmağa başlayıb.

Rusiya Müdafiə Nazirliyi bildirib ki,  ukraynalı hərbçilərin cəmləşməsi Şimal qoşun qrupunun bölmələrindən birinin aviakəşfiyyat texnikası tərəfindən aşkar edilib. Məlumat təsdiqləndikdən sonra hədəflər məhv edilib.

Obyektiv nəzarət vasitələri real vaxt rejimində qarşı tərəfin şəxsi heyətinin müvəqqəti yaşayış yerlərinin dağıdılmasını təsdiqləyib.

QAZİLER.AZ