Rusiya Prezidenti Putinin Ukraynanın Pokrovski şəhəri istiqamətində məqsədlərinə çatmaq üçün 10-12 həftə vaxtı var

Qaziler.az bildirir ki, bunu Sky News-un hərbi eksperti Şon Bel belə hesab edir.

Onun sözlərinə görə, bu yay Rusiya öz səylərini  Donbasın təhlükəsizliyinin təmin edilməsinə yönəldib. Rusiya qoşunlarının verdiyi əhəmiyyətli itkilərə baxmayaraq, Rusiya Federasiyası yavaş-yavaş, lakin əminliklə irəliləməyə davam edir.

Ukrayna qüvvələri üçün Pokrovski strateji əhəmiyyətli logistika və nəqliyyat mərkəzini təmsil edir. Putin başa düşür ki, qışda sürəti saxlamaq çətindir, ona görə də soyuq havalar başlamazdan əvvəl məqsədlərinə çatmaq üçün 10-12 həftə vaxtı var.

"Sky News" analitikinin fikrincə, ruslar qışa qədər Pokrovski ələ keçirsələr, Putin münaqişəyə son qoymaq üçün danışıqlara hazır olduğunu deyə bilər.

QAZİLER.AZ