Qaradəniz Texniki Universitetinin (KTU) İnşaat-memarlıq fakültəsini bitirən Mehmet Şefik Aydın 54 ildən sonra müxtəlif səbəblərdən ala bilmədiyi diplomunu alıb.

Qaziler.az TRT-Haber-ə istinadən bildirir ki, 1970-ci ildə KTÜ İnşaat və Memarlıq fakültəsini inşaat mühəndisi ixtisası üzrə bitirən 80 yaşlı Mehmet Şefik Aydın diplomunu rektor Prof. Dr. Hamdullah Çuvalcı verdi.

Təhsil həyatına başladıqdan sonra KTU-nun ikinci semestr məzunlarından olan Aydın müxtəlif səbəblərdən bu günə kimi diplomunu ala bilməyib.

Çuvalcının ofisində təşkil edilən mərasimdə 54 ildən sonra diplomunu alan Aydın xoşbəxtliyini dilə gətirib.

KTÜ-nin hər zaman məzunları ilə fəxr etdiyini vurğulayan Çuvalcı, məzunları KTÜ-nün bir parçası olaraq görməyə davam etdiklərini qeyd etdi.

QAZİLER.AZ