Türkiyədə, İzmirin Menderes rayonunda meşə yanğını nəzarətə götürülüb.

Qaziler.az Türkiyə mətbuatına istinadən bildirir ki, bu barədə Meşə Təsərrüfatı Baş İdarəsinin sosial media hesabında məlumat verilib.

İzmir Menderesdə baş verən meşə yanğınının nəzarət altına alındığı bildirilib.

Açıqlamada, "Yaşıl vətən uğrunda mübarizə aparan qəhrəmanlarımıza, bizə dəstək olan bütün qurumlarımıza, QHT-lərimizə, könüllülərimizə və vətəndaşlarımıza təşəkkür edirik" deyilir.

Menderesdə 17 avqust şənbə günü baş verən yanğına 13 təyyarə və su maşını ilə müdaxilə edilib. İzmir valisi Süleyman Elban yanğının qırılan elektrik naqilindən yaranan qığılcım nəticəsində baş verdiyini açıqlayıb.

QAZİLER.AZ