Rusiyanın Perm diyarının Qornozavodski rayonunda Urenqoy-Moskva qatarı yük maşını ilə toqquşub, nəticədə nəqliyyat vasitəsinin sürücüsü xəsarət alıb.

Qaziler.az bildirir ki, bu barədə avqustun 2-də vilayətin qubernatoru Dmitri Maxonin Telegram kanalında məlumat verib.

“Qatarda olan sərnişinlər arasında xəsarət alan olmayıb. Qatar Yevropeyskaya stansiyasına aparılıb. Biz bütün lazımi yardımları təşkil edəcəyik”, - o yazıb.

Perm vilayətinin başçısı vilayət Səhiyyə Nazirliyinə vəziyyəti nəzarətdə saxlamağı və yaralanan yük maşını sürücüsünə operativ şəkildə kömək göstərməyi tapşırıb. O əlavə edib ki, hazırda hadisənin baş vermə şəraitini aydınlaşdırmaq üçün operativ qərargah yaradılıb.

Prokurorluq tərəfindən dəmir yolu nəqliyyatının hərəkətinin təhlükəsizliyi və istismarı haqqında qanunvericiliyin tələblərinə əməl olunması üzrə yoxlama təşkil edilib.

QAZİLER.AZ