Ukraynada qadın avtobus sürücülərinin hazırlanması üzrə pilot layihəyə start verilir. Bu saziş Ukraynanın İcmaların, Ərazilərin və İnfrastrukturun İnkişafı Nazirliyi və BMT Bürosu tərəfindən razılaşdırılıb.

Qaziler.az bildirir ki, bu barədə RBC-Ukrayna Ukrayna İnfrastruktur Nazirliyinin mətbuat xidmətinə istinadən məlumat yayıb.

Bu, Rusiyanın Ukraynaya təcavüzü ilə əlaqədar işçi qüvvəsi çatışmazlığına cavab verən, qadınların bacarıqlarının inkişafı üçün pulsuz proqramdır. Layihənin məqsədi şəhər nəqliyyatında, xüsusən də avtobuslarda qadın sürücülərin yenidən hazırlanmasıdır.

Bölgələrdə avtobus sürücüsü çatışmazlığı təxminən 30 faiz, yəni altı min işçidir.

"Bu, həm kadr çatışmazlığını aradan qaldırmaq, həm də peşələrdə stereotipləri və qərəzləri aradan qaldırmaq məqsədi daşıyan nazirliyin ilk təşəbbüsüdür" dedi infrastruktur nazirinin müavini Sergey Derkaç.

Layihədə qadınlara sürücülük vəsiqəsinin (kod 95) alınması üçün təlimlər nəzərdə tutulur. Bu, Avropa standartına uyğun olaraq avtobus sürücüsünün peşəkar səriştəsini təsdiq edən sənəddir.

QAZİLER.AZ