Rusiya Prezidenti yanında İnsan Hüquqları Şurasının rəhbəri Valeri Fadeyev İrəvan hava limanında ruslara qarşı ayrı-seçkilik halları ilə bağlı Ermənistan səfiri Vaqarşak Arutyunyana müraciət edib.

Apa xəbər verir ki, bu barədə teleqram kanalları məlumat yayıb.

Məlum olub ki, Rusiya Prezidenti yanında İnsan Hüquqları Şurasına Ermənistanın “FlyOne” aviadaşıyıcısının əməkdaşları və Zvartnots hava limanının əməkdaşları tərəfindən hüquqlarının pozulması ilə üzləşmiş Rusiya Federasiyası vətəndaşlarından müraciətlər daxil olub. Fadeyev səfirdən belə epizodlarla bağlı narahatlığını Ermənistanın səlahiyyətli orqanlarına çatdırmağı xahiş edib.

Şura, uşaqları olan sərnişinlərin oturacaqları olmayan reyslərdə "qeydiyyatdan keçirilməsi" və heç bir kompensasiya təklif edilməməsi hallarının qeydə alındığını bildirir. Aviaşirkət nümayəndələri onlara bir stəkan su belə verməkdən imtina edərək, ayaq üstə uçmağı təklif ediblər. Digər bir hadisə Roma - İrəvan - Moskva marşrutu ilə uçan və Romadan uçuşun gecikməsi səbəbindən Moskvaya uçan təyyarəyə minməyən bir qrup rusiyalı ilə bağlıdır. Amma aeroport əməkdaşları onların problemini həll etmək əvəzinə heç bir izahat vermədən onları saxlayıb polis şöbəsinə yerləşdiriblər.