Rusiya Silahlı Qüvvələri bir həftə ərzində "Donetsk Xalq Respublikası"nın Yuryevka kəndini ələ keçirib.
Bu barədə iyulun 19-da Rusiya Müdafiə Nazirliyi məlumat yayıb.
“Fəal əməliyyatlar nəticəsində Rusiya ordusunun “Mərkəz” qoşun qruplaşmasının bölmələri "Donetsk Xalq Respublikası"nın Yuryevka qəsəbəsini "azad edib"”, - məlumatda deyilir.
"Bu müddət ərzində qruplaşmanın qüvvələri Ukrayna Silahlı Qüvvələrinin altı briqadası və hava hücumu birləşməsini, həmçinin iki müdafiə briqadasını vurub və 38 əks-hücumunu dəf edib. Düşmən 2215-ə qədər canlı qüvvə, 11 zirehli döyüş maşını, 26 texnika və 27 səhra artilleriyasını itirib", - Rusiya Müdafiə Nazirliyinin bildirib.
QAZİLER.AZ
