Gürcüstanın rusiyapərəst baş naziri İrakli Kobaxidze ölkəsinin Avropa İttifaqı ilə münasibətlərinin yaxşılaşması ilə Rusiyanın Ukraynaya qarşı müharibəsinin başa çatması arasında əlaqə görür.

Qaziler.az-ın məlumatına görə, “Novosti-Georgia” xəbər verir ki, bu barədə Gürcüstan hökumətinin başçısı Avropa Siyasi Birliyinin Britaniyada keçirilən sammitinin yekunları ilə bağlı bildirib.

Onun sözlərinə görə, sammit zamanı Aİ diplomatiyasının rəhbəri Cosef Borrel və Avropa Şurasının rəhbəri Şarl Mişel ilə danışıqlar aparıb. Onlar Gürcüstanın Avropa İttifaqı ilə münasibətlərini və s. müzakirə ediblər.

Onun sözlərinə görə, regionda “qlobal miqyasda vəziyyət dəyişib sakitləşən kimi” Gürcüstana münasibətin,  xeyli dəyişəcəyi gözlənilir.

“Biz həqiqətən ümid edirik ki, maksimum bir ildən sonra Ukraynada müharibə başa çatacaq və müvafiq olaraq regionda vəziyyət sabitləşəcək və bu, ümumilikdə regionumuzdakı siyasi vəziyyətə və Gürcüstana münasibətə müsbət təsir göstərəcək", - Kobaxidze əlavə edib.

QAZİLER.AZ