Ukrayna hərbçiləri Donetsk vilayətinin Çasov Yar şəhərinin "Kanal" mikrorayonundan rusiyalı işğalçıları sıxışdırıblar.

Qaziler.az bildirir ki, bunu Ukraynanın “Xortitsa” qoşunların əməliyyat-strateji qrupunun nümayəndəsi Nazar Voloşin deyib.

"Ukraynalı müdafiəçilər Çasov Yar şəhərinin "Kanal" mikrorayonundan işğalçıları sıxışdırıb çıxarıblar. Eyni zamanda, işğalçıların itirilmiş mövqeləri yenidən ələ keçirməyə cəhd edəcəyini istisna etmirik", - Voloşin bildirib.

Onun sözlərinə görə, rusiyalılar kiçik qruplar halında hücum edərək Çasov Yarıda möhkəmlənməyə çalışırlar. Ukrayna müdafiə qüvvələri bu cəhdlərin qarşısını almaq üçün əlindən gələni edir.

Natiq bildirib ki, son 24 saat ərzində iyunun 27-nə olan məlumata görə, bu istiqamətdə 1223 minaatan və artilleriya hücumu qeydə alınıb.

“Ümumilikdə, bu istiqamətdə düşmənin 31 hücumu həyata keçirilib”, - Voloşin əlavə edib.

Həmçinin natiqin dediyi kimi, Çasov Yarı istiqamətində 24 saat ərzində Ukrayna Silahlı Qüvvələri 85 işğalçını məhv edib, daha 82 rusiyalı hərbçi isə yaralanıb.

QAZİLER.AZ