Başqırdıstan Respublikasının Ufa şəhərində fasad qaldırıcısının aşması nəticəsində 3 nəfər ölüb.

Qaziler.az bildirir ki, bu barədə iyunun 11-də Başqırdıstan Respublikasının prokurorluğu özünün Telegram kanalında məlumat yayıb.

Qeyd olunur ki, hadisə şəhərin Kirovski rayonunda baş verib. İlkin məlumata görə, qaldırıcı tikilməkdə olan yaşayış binasının 5-ci mərtəbəsinin hündürlüyündən düşüb.

Daha bir nəfər yaralanıb, o, ağır vəziyyətdə şəhər xəstəxanalarından birinə yerləşdirilib.

Respublika Prokurorluğu araşdırmalara başlayıb. İdarədən bildirilib ki, Ufa şəhərinin prokuroru Sergey Voronov hüquq-mühafizə orqanlarının hərəkətlərini əlaqələndirmək üçün hadisə yerinə gedib.

“Yoxlama zamanı məsul şəxslərin fəaliyyətlərinin əməyin mühafizəsi və təhlükəsizlik texnikası haqqında qanunvericiliyin tələblərinə, o cümlədən tikinti qayda və qaydalarına riayət olunması qiymətləndiriləcək”, - məlumatda deyilir.

QAZİLER.AZ