Ukrayna müharibədə həlak olan 212 hərbçinin cəsədini qaytarıb. Bunlar müxtəlif istiqamətlərdə döyüş əməliyyatlarında iştirak etmiş hərbi qulluqçulardır.

Qaziler.az bildirir ki, bu barədə RBC-Ukrayna xəbər verir.

Həlak olan Ukrayna müdafiəçilərinin cəsədlərini Donetsk, Zaporojye, Luqansk və Xarkov istiqamətlərindən, habelə Ukraynanın müvəqqəti işğal olunmuş ərazilərindən geri qaytarmaq mümkün olub.

Həlak olan əsgərlərin cəsədləri əvvəlcə hüquq-mühafizə orqanlarına və məhkəmə-tibb ekspertlərinə təhvil veriləcək. Bu prosedur ölənlərin şəxsiyyətini müəyyən etmək üçün lazımdır.

Hərbi cəsədlərin qaytarılması Hərbi əsirlərin müraciəti üzrə koordinasiya qərargahı, Ukrayna Təhlükəsizlik Xidməti, Reinteqrasiya Nazirliyi, Ukrayna Silahlı Qüvvələri,İtkin düşmüş şəxslər üzrə müvəkkil və beynəlxalq təşkilatların nümayəndələri tərəfindən həyata keçirilib.

QAZİLER.AZ