Gürcüstanda qeyri-hökumət təşkilatları “Xarici təsirin şəffaflığı haqqında” qanuna qarşı ölkənin Konstitusiya Məhkəməsi və Avropa İnsan Hüquqları Məhkəməsində (AİHM) iddia qaldırmağa hazırlaşır.
"Report"un Gürcüstan mətbuatına istinadən verdiyi məlumata görə, bu barədə QHT-lərin birgə bəyanatında deyilir.
“Biz Konstitusiya Məhkəməsinə təqdim etmək üçün iddia hazırlayırıq və ona yaxın vaxtlarda baxacağıq, Konstitusiya Məhkəməsi öz səlahiyyətlərindən istifadə edərək müvafiq maddələrin fəaliyyətini dayandıra bilər”, - bəyanatda vurğulanır.
Konstitusiya Məhkəməsi mübahisəli maddələrin təsirini dayandırmasa, AİHM-ə müraciət edəcəklər.
