Mayın 22-də Xmelnitski vilayətinin məhkəməsi öz xahişi ilə səfərbər olmaq qərarına gələn əlli məhkumu azad edib. Onların əksəriyyəti oğurluğa görə məhkum olunublar.

Qaziler.az bildirir ki, bu barədə RBC-Ukrayna məhkəmənin mətbuat xidmətinə istinadən məlumat yayıb.

“Mayın 22-də Xmelnitski Şəhər Dairə Məhkəməsi məhkumların hərbi xidmət keçməkdən şərti olaraq vaxtından əvvəl azad edilməsi və onlar üzərində inzibati nəzarətin yaradılması ilə bağlı “Raykovetski İslah Koloniyası (78 saylı)” Dövlət Müəssisəsindən daxil olmuş 50 vəsatətin hamısını təmin edib. ” deyə məlumatda deyilir.

Məhkəməyə daxil olan materiallardan və məhkəmə qərarlarının mətnlərindən aydın olur ki, könüllülərin böyük əksəriyyəti əsasən mülkiyyət cinayətlərində, yəni oğurluqda günahlandırılan gənclərdir.

Məhkəmə iclasları zamanı məhkumlar hərbi xidmət üçün xüsusi bacarıqlarının olmadığını desələr də, onları kifayət qədər tez mənimsəyəcəklərini əmin ediblər.

QAZİLER.AZ