Çeçenistan Respublikası (CR) parlamentinin sədri, Ramzan Kadırovun ən yaxın silahdaşı Maqomed Daudov vaxtından əvvəl istefa verdiyini açıqlayıb.

Qaziler.az bildirir ki, bu barədə Qroznı teleradio şirkəti Telegram-da məlumat yayıb.

"Çeçenistan Respublikasının rəhbəri Ramzan Kadırovla görüşdən sonra mən Çeçenistan Respublikası parlamentinin sədri vəzifəsindən istefa vermək qərarına gəldim", - Daudov vəzifəsini tərk etməsinin səbəblərini açıqlamayıb.

Fevralda Rusiya prezidenti Vladimir Putin Daudovu III dərəcəli “Vətənə xidmətə görə” ordeni ilə təltif edib. 

Daudov 2015-ci ildən Çeçenistan parlamentinə rəhbərlik edir. 2010-cu ildə o, Çeçenistan hökuməti sədrinin birinci müavini, bir il sonra isə həm də respublika başçısının administrasiyasının rəhbəri təyin edilib.

QAZİLER.AZ