Türkiyədə gənc oğlan özünü vəkil kimi təqdim edərək, vətəndaşı aldadıb.

QAZILER.AZ. Lent.az-a istinadla bildirir ki, 27 yaşlı Semih Baykır məhkəməyə gedərək 25 yaşlı Emre Kapıcıya özünü vəkil “Semih Yılmaz” kimi təqdim edib. Daha sonra Emrenin elektrik cihazlar satışı ilə məşğul olduğunu öyrənən Semih ondan 8500 lirəlik (təxminən 447 manat) əşya alıb. Həmçinin Emrenin dostundan özünə lazım olan 5500 lirəlik (təxminən 289 manat) telefonu da borca götürüb.

Bunların qarşılığında isə onlara vəkil kimi xidmət edəcəyini deyib.

Lakin əsl vəkil Semih Yılmazın işlədiyi büroya zəng edən zərərçəkənlər aldadıldığını başa düşüblər. Bundan sonra onlar hüquq-mühafizə orqanlarına şikayət ediblər.

Saxta vəkil zərərçəkənlərə vurduğu ziyanı geri qaytarıb. Onu hazırda 10 ilədək həbs cəzası gözləyir.