Xəbər verdiyimiz kimi, Rusiyanın Sankt-Peterburq şəhərində sərnişin avtobusunun Moyka çayına düşməsi nəticəsində ölənlərin sayı 4-ə çatıb.

Qaziler.az bildirir ki, Sankt-Peterburqda Moyka çayına düşən sərnişin avtobusunu idarə edən sürücü Rəhmətşoh Kurbonovun həyat yoldaşı baş verənlərdən "İzvestiya"dan xəbər tutub. Qadın  ərinin heç vaxt səhhətindən şikayət etmədiyini və 20 saatlıq növbədən sonra işə qayıtdığını bildirib.

Onun sözlərinə görə, əri gecə saat 02:00-03:00 radələrində əvvəlki növbəsindən qayıdıb. Bayram günü, 9 may saat 05:00-dan işə başlasa da.

R.Kurbonova əlavə edib ki, sürücü mayın 10-da saat 07:30 radələrində oyandırılıb və işdə zəng edilərək yenidən reysə getməsini istəyiblər. Qadın ərinin ayağa qalxmaqda çətinlik çəkdiyini qeyd edib.

Avtobus qəzası mayın 10-da baş verib. Dörd nəfər ölüb.

İki cinayət işi başlanıb: təhlükəsizlik tələblərinin pozulmasına görə və yol hərəkəti və nəqliyyat vasitələrinin istismarı qaydalarının pozulmasına görə. Avtobus sürücüsü saxlanılıb. Hadisə ilə bağlı araşdırmalara başlanılıb. Əməliyyat xidmətlərindən əlavə ediblər ki, avtobus sürücüsü idarəetməni itirib.

QAZİLER.AZ