Ukrayna Prezidenti Aparatının rəhbəri Andriy Ermak İtaliyanın Yepiskop Konfransının rəhbəri kardinal Matteo Zuppi ilə telefonla danışıb. Tərəflər Rusiya Federasiyası tərəfindən oğurlanmış ukraynalı uşaqların geri qaytarılması və hərbi əsirlərin dəyişdirilməsi prosesinin sürətləndirilməsini müzakirə ediblər.

Qaziler.az bildirir ki, bu barədə Ukrayna prezidentinin ofisinin saytı xəbər verir.

Söhbət zamanı Yermak qeyd edib ki, Ukrayna diplomatiyası bütün dünya ölkələri ilə dialoqda Rusiya tərəfindən qanunsuz deportasiya edilmiş ukraynalı uşaqların geri qaytarılmasına xüsusi diqqət yetirir.

O, bu məsələdə göstərdiyi köməyə görə Zuppiyə təşəkkür edib.

“Siz də bu istiqamətdə fəaliyyətinizi davam etdirirsiniz, bu proses ləng gedir, amma yenə də irəli gedir”, - Prezident Aparatının rəhbəri bildirib.

Yermak həmçinin hərbi əsirlərin, xüsusən də hərbi həkimlərin azad edilməsi prosesində Kiyevə yardım etməyə çağırıb. Söhbət zamanı tərəflər bu prosesi sürətləndirmək və Pasxa bayramı ərəfəsində mübadilə təşkil etmək variantlarını müzakirə ediblər.

Bundan əlavə, Prezident Aparatının rəhbəri kardinala iyunda İsveçrədə keçiriləcək Qlobal Sülh Sammitinə hazırlıq barədə məlumat verib.

Tərəflər səylərin birləşdirilməsi üçün ikitərəfli görüşün keçirilməsi imkanlarını da müzakirə ediblər.

QAZİLER.AZ