Tbilisidə “Xarici agentlər haqqında qanun”a etiraz edən tələbələr Avropa İttifaqının Gürcüstandakı nümayəndəliyinə yürüş ediblər.

Qaziler.az Gürcüstan mətbuatına istinadən bildirir ki, etirazçıların önündə ard-arda Gürcüstan və Avropa İttifaqının bayraqlarını tutanların cərgəsi gedib. Verilən məlumata görə, Gürcüstanda gənc nəslin nümayəndələri bunları vurğulamaq istəyirlər: Gürcüstanın gələcəyi onların əlindədir və gənclər Gürcüstanın gələcəyini “Rusiyanın arxa həyəti” kimi deyil, Aİ-nin bir hissəsi kimi görmək istəyirlər.

Bannerlərdən birində ananın sözləri yazılıb: “Oğlum, evə get, şam yeməyini ye və Rustaveli prospektini bağla!”

Digər bannerdə - "Lazar üçün azadlıq!" - məhkəmə tərəfindən məhkum edilmiş, lakin Gürcüstan prezidenti tərəfindən əfv edilmiş “xarici agentlər haqqında qanun”a etiraz edən mart fəalına azadlıq tələb olunub.

Artıq 12-ci gündür ki, Lazare Qriqoriadis Gürcüstan prezidentinin onu əfv etməsinə baxmayaraq, Qldani həbsxanasından çıxa bilmir.

Xatırladaq ki,“Gürcü Arzusu”nun təşəbbüsü ilə irəli sürülmüş “Xarici təsirin şəffaflığı haqqında” qanun layihəsinə qarşı “Rusiya qanunlarına yox!” mitinqləri aprelin 15-dən başlayıb.

QAZİLER.AZ