Abxaziyanın Suxumi rayonunun Açadara kəndində Rusiyadan gələn turistləri daşıyan ekskursiya avtobusu qəzaya uğrayıb. Avtobus minik avtomobili ilə toqquşub. Avtobusda olan 3 sərnişin və avtomobilin sürücüsü xəsarət alıb.

Qaziler.az bildirir ki, bu barədə aprelin 16-da yerli Dövlət Yol Müfəttişliyinin rəis müavini Astamur Taniyaya istinadən "Apsnıpress" agentliyi məlumat yayıb.

“Açadərə kəndində “BMW” markalı avtomobilin sürücüsü qarşıdan gələn zolağa çıxaraq avtobusa çırpılıb", - o, bildirib.

Rəsmi şəxs sürücünün reanimasiyada olduğunu, lakin həyatı üçün təhlükə olmadığını da qeyd edib. Avtobusda olan 3 sərnişin xəstəxanaya yerləşdirilib, onlara lazımi yardım göstərildikdən sonra evə buraxılıblar.

QAZİLER.AZ