Gürcüstan prezidenti Salome Zurabişvili aprelin 15-də Tbilisidə parlament binası yaxınlığında "Xarici təsirin şəffaflığı haqqında" qanun layihəsinə qarşı etiraz edən nümayişçilərə dəstək verib, polisi ölkənin Avropa gələcəyini müdafiə edən insanları həbs etməkdə ittiham edib.
Qaziler.az bildirir ki, mitinqdən çəkilmiş videogörüntülərdə Tbilisidə Gürcüstan parlamenti yaxınlığındakı vəziyyət əks olunub. Etirazçılar nümayişə Gürcüstan və Avropa İttifaqının bayraqları ilə gəliblər.
“İzvestiya”nın müxbiri Georgi Dzhabişvilinin sözlərinə görə, onlar polis kordonunu yarmağa çalışırlar.
Gürcüstan Daxili İşlər Nazirliyi Tbilisidə etirazçıları polisə tabe olmağa çağırıb və əks halda güc tətbiq edəcəkləri barədə xəbərdarlıq edib.
Xatırladaq ki, Gürcüstanın paytaxtı Tbilisidə parlament binasının qarşısında genişmiqyaslı etiraz aksiyası keçirilir.
minlərlə Gürcüstan vətəndaşı hakim "Gürcü Arzusu" partiyasının yenidən parlamentə təqdim etdiyi "Xarici təsirin şəffaflığı haqqında" qanun layihəsinə etiraz edir. Gürcüstan və Avropa İttifaqının himninin səsləndirilməsi ilə başlayan aksiyada əsasən gənclər, tələbələr, vətəndaş cəmiyyəti fəalları iştirak edir.
QAZİLER.AZ
