Türkiyənin Bursa şəhərinin Orhaneli rayonunda avtomobilin aşması nəticəsində 2 nəfər ölüb, 3 nəfər yaralanıb.

Qaziler.az Türkiyə mətbuatına istinadən bildirir ki, Ramazan Kaplanın idarə etdiyi avtomobil Bursa-Harmancık yolunun 62-ci kilometrliyində, Eskidanişment Məhəlləsi Korucak kəndi ərazisində idarəetmədən çıxaraq yol kənarındakı sahəyə aşıb.

Vasitədə olan sürücü Kaplan, qohumları Mələk, Mehmet və Orhan Salı və Hidayet Aydın yaralanıb.

Ətrafdakıların vəziyyəti xəbər verməsindən sonra hadisə yerinə jandarma və 112 Təcili Tibbi Yardım briqadası sövq edilib.

Yaralılar avtomobildən çıxarılaraq Orhaneli Dövlət Xəstəxanasına və Bursadakı Çekirge Dövlət Xəstəxanasına aparılıb.

Sürücü Kaplan və Mələk Salı xəstəxanada edilən müdaxiləyə baxmayaraq qurtarıla bilməyib.

QAZİLER.AZ