"Ukrayna rəsmi olaraq ABŞ və Aİ tənzimləyiciləri ilə ölkəmizdə sərnişin hava daşımalarının bərpası ilə bağlı danışıqlara başlayır. İsrail Mülki Aviasiya Administrasiyası ilə də məsləhətləşmələr aparılır".

Qaziler.az bildirir ki, Ukrayna Baş nazirin bərpa üzrə müavini - icmaların, ərazilərin və infrastrukturun inkişafı naziri Aleksandr Kubrakov RBC-Ukraynaya müsahibəsində bu barədə danışıb.

Nazir vurğulayıb ki, hər hansı tarix barədə danışmaq hələ tezdir. Lakin Ukrayna tərəfi artıq tənzimləyicilərə bazarın hərbi vəziyyət şəraitində necə işləyəcəyi ilə bağlı öz fikirlərini, habelə risklərin qiymətləndirilməsi, yanaşmalar və alqoritmləri çatdırır.

"Pilotsuz təyyarələrin və ya raketlərin istənilən vaxt gələ biləcəyi hava limanlarının olduğu  nümunə dünyada çox deyil. İsrail ən uğurlu nümunədir. Biz İsrail mülki aviasiya administrasiyası ilə məsləhətləşmələrə çox vaxt sərf etmişik vəməsləhətləşmələrə davam edirik", - Kubrakov dedi.

Onun sözlərinə görə, planlar səviyyəsində Ukraynada açıla biləcək hava limanlarının sayı ilə bağlı müxtəlif ssenarilər var.

"Bizim üçün tənzimləyicilərdən ilk rəsmi rəyi eşitmək vacibdir" dedi nazir.

Kubrakov əmin edib ki, Ukrayna aviasiya bazarında işi bərpa etməkdə maraqlı olan və birinci olmaq istəyən Avropa aviaşirkətləri var, lakin onların adını çəkməkdən imtina edib. Onun sözlərinə görə, üç Ukrayna şirkəti ilə də danışıqlar davam edir.

Ukraynanın öz milli aviasiya operatorunun yaradılmasına gəlincə, Kubrakovun fikrincə hələ tezdir, müharibə zamanı bu, mütləq əsas prioritet deyil, lakin sonra bu məsələyə qayıtmaq lazımdır.

QAZİLER,AZ