Ukrayna Silahlı Qüvvələrinin Ali Baş Komandanı Aleksandr Sirski və Müdafiə Nazirliyinin rəhbəri Rustem Umerov bu gün, martın 5-də Norveçin müdafiə naziri Born Arild Qram ilə danışıqlar aparıblar.

Qaziler.az bildirir ki, bu barədə RBC-Ukrayna Ukrayna Silahlı Qüvvələrinin Facebook səhifəsinə istinadən məlumat yayıb.

"Ukraynanın müdafiə naziri Rustem Umerov ilə birlikdə o, Norveçin müdafiə naziri Born Arild Qram ilə telefon danışığı aparıb", - məlumatda deyilir.

Onun sözlərinə görə, onlar cəbhədəki vəziyyət və Ukraynanın təcili ehtiyacları, xüsusən artilleriya və hava hücumundan müdafiə sistemləri barədə danışıblar.

"Biz xüsusilə müdafiə sənayesində əməkdaşlığın genişləndirilməsini müzakirə etdik", - Sirski əlavə edib.

Ali Baş Komandan həmçinin Norveçə Ukraynaya və Silahlı Qüvvələrə hərtərəfli dəstəyə görə təşəkkür edib.

QAZİLER.AZ