Sovet və rus aktyoru, Rusiyanın xalq artisti Ernst Romanov 88 yaşında vəfat edib.

Qaziler.az bildirir ki, bu barədə Sankt-Peterburqdakı Andrey Mironov Teatrı fevralın 26-da öz saytında məlumat yayıb.

Romanov 1936-cı ildə Sverdlovsk vilayətinin Kabakovsk şəhərində (indiki Serov) anadan olub. 1957-ci ildə Dövlət Teatr İncəsənəti İnstitutunu bitirib, Rostov-na-Don teatr truppasına daxil olub, Ryazan səhnələrində, Estoniya və Latviya teatrlarında çıxış edib.

Ernst Romanov televiziya filmlərində, seriallarda və kinoda 210-dan çox rol oynayıb.

Onların arasında “Cazibədar xoşbəxtlik ulduzu”, “İnqilabdan doğulmuşlar”, “Axurda it”, “İmperatorluğun qanadları”, “Sınıq fənərlər küçələri”, “Ölümcül qüvvə” filmləri var. 

Romanov Andrey Mironov Teatrının səhnəsində Yuri Tsurkanunun “Albalı bağı” tamaşasında Firs rolunda çıxış edib. Sənətçi 2024-cü ilDƏ 136-cı dəfə  Çexovun qəhrəmanını canlandırıb.

QAZİLER.AZ