Ukrayna və Macarıstan sərhədində yeni keçid məntəqəsi yaranacaq. Bununla bağlı Nazirlər Kabineti fevralın 23-də müvafiq qərar qəbul edəcək.

Qaziler.az bildirir ki, bu barədə RBC-Ukrayna baş nazir Denis Şmıqalın Nazirlər Kabinetinin iclası zamanı verdiyi açıqlamaya istinadən məlumat verib.

"Bu gün hökumət Macarıstanla sərhəddə yeni keçid məntəqəsinin açılması ilə bağlı qərar verəcək. Bu, "Velikaya Palad - Nadqodoş" keçid məntəqəsidir. Məntəqənin açılışını macar həmkarlarımızla razılaşdırdıq. O, minik avtomobilləri üçün fəaliyyət göstərəcək və bu, növbələrin azalmasına kömək edəcək, vətəndaşlarımızın sərhədləri keçməsini sürətləndirəcək", - dedi.

Bundan əlavə, Şmıqala görə, Macarıstanla sərhəddə daha bir keçid məntəqəsinin - “Lujanka-Bereqşuran”ın işini genişləndirmək barədə razılıq var.

Baş nazirin qeyd etdiyi kimi, hazırda logistika və Ukrayna ixracının genişləndirilməsi məsələsi ilə bağlı bir çox sahələrdə iş gedir və bu, öz nəticəsini verir.

QAZİLER.AZ