Fevralın 16-da səhər saatlarına olan məlumata görə, polşalı fermerlər Ukrayna ilə sərhəddə beş keçid məntəqəsini bağlayıblar. Növbələrdə 1400 yük maşını var.

Qaziler.az  xəbər verir ki, bunu Ukrayna Dövlət Sərhəd Xidmətinin nümayəndəsi Andrey Demçenko bildirib.

“Bunlar Yaqodin, Rava-Russkaya, Şegini, Ust-Luq, Uqrinov keçid məntəqələrinin istiqamətləridir”, - o bildirib.

Onun sözlərinə görə, Polşa tərəfində ən çox Yaqodin və Rava-Russkaya keçid məntəqələrinin qarşısında 1400 yük maşını növbə çəkir. Ən az yük maşınları Ust-Luq və Uqrinov məntəqələri ilə üzbəüzdür.

Demçenko qeyd edib ki, daşıyıcılar bunun mümkün olduğu nöqtələrdə sərhədi keçmək üçün istiqamətlər axtarırlar. "Biri Krakovets keçid məntəqəsidir və bu gün səhər saatlarına kimi orada da növbələr var", - deyib.

mənbə: RBK-Ukrayna

QAZİLER.AZ