Rusiyanın iri desant gəmisi “Sezar Kunikov”un Krım yaxınlığında məhv edilməsi düşmənin Ukrayna ərazi sularında cəzasız qala bilməyəcəyini təsdiqləyir.
Qaziler.az bildirir ki, bu barədə Ukrayna Silahlı Qüvvələrinin Quru Qoşunlarının komandanı Aleksandr Pavlyuk Telegram-da qeyd edib.
Yeni komandir vurğulayıb ki, Ukrayna Müdafiə Qüvvələrinin əsas məqsədi və əsas vəzifəsi beynəlxalq səviyyədə tanınmış sərhədlər daxilində ərazi bütövlüyünün tam bərpasıdır.
“Ukrayna Silahlı Qüvvələrinin Müdafiə Nazirliyinin Baş Kəşfiyyat İdarəsi ilə birlikdə Rusiyanın “Sezar Kunikov” iri desant gəmisini məhv etməsi düşmənin Ukrayna ərazi sularında cəzasız qalmayacağının daha bir təsdiqidir”, - Pavlyuk bildirib.
QAZİLER.AZ
