Fevralın 8-də Ukrayna Silahlı Qüvvələrinin rəhbərliyinin dəyişdirilməsi ilə bağlı qərar qəbul edilib.
Bu barədə ölkənin müdafiə naziri Rustem Umerov məlumat verib.
O, Ukrayna Silahlı Qüvvələrinin ali baş komandanı Valeri Zalujnının istefasını təsdiqləyib.
Umerov qeyd edib ki, müharibə dəyişir və dəyişikliklər tələb edir.
“2022, 2023 və 2024-cü illərin döyüşləri üç fərqli reallıqdır. 2024-cü il hazırlaşmalı olduğumuz yeni dəyişikliklər gətirəcək. Bizə yeni yanaşmalar, yeni strategiyalar lazımdır”, - deyə nazir qeyd edib.
Umerov Zalujnıya əldə etdiyi nailiyyətlərə və qələbələrə görə təşəkkür edib.
Qeyd edək ki, artıq Zalujnının yerinə təyinat həyata keçirilib. Ukrayna Prezidenti Volodimir Zelenski general-polkovnik Aleksandr Sırskini Ukrayna Silahlı Qüvvələrinin yeni baş komandanı təyin edib. (oxu.az)
