Kiyevə raket hücumu nəticəsində iki nəfər ölüb - Zelenski

Kiyevə raket hücumu nəticəsində iki nəfər ölüb -  Zelenski backend

Kiyevdə raket hücumu nəticəsində iki nəfər həlak olub. 10-dan çox paytaxt sakini xəsarət alıb.

Qaziler.az bildirir ki, bu barədə Ukrayna prezidenti Vladimir Zelenski Telegram-da yazıb.

Dövlət başçısı bu gün Ukraynanın kütləvi atəşə tutulmasına münasibət bildirib. Ukraynanın altı rayonu düşmən hücumu altında idi.

"Nikolayevdə onlarla yaşayış binası dağıdılıb, bir nəfər ölüb. Kiyevdə isə 10-dan çox adam yaralanıb, indiyədək iki nəfərin öldüyü məlumdur", - prezident qeyd edib.

O əlavə edib ki, Kiyevdə hündürmərtəbəli binanın dağıntıları altında insanlar ola bilər. Həmçinin paytaxtda bəzi kommunikasiyalar, o cümlədən yüksək gərginlikli kabellər zədələnib.

Zelenski qeyd edib ki, Xarkov vilayətində atəş nəticəsində iki nəfər yaralanıb, bir nəfər isə xilas edilib. Lvov vilayətində itki yoxdur, xilasedicilər hadisə yerində işləyir.

QAZİLER.AZ

loading...
Diaspora