Ukraynanın xarici işlər naziri Dmitri Kuleba ilə Macarıstanın xarici işlər naziri Peter Siyarto arasında keçiriləcək görüşün əsas vəzifəsi Ukrayna prezidenti Vladimir Zelenski ilə Macarıstanın baş naziri Viktor Orban arasında nəzərdə tutulan görüşlə bağlı razılaşmaları müzakirə etmək olacaq.

Qaziler.az bildirir ki, bu barədə Ukrayna Prezident Aparatının rəhbəri Andrey Yermak “İnterfaks-Ukrayna”ya müsahibəsində deyib.

"Biz  Zelenski və Orban arasında görüşə doğru irəliləyirik. Bu, yanvarın 29-da Ujqorodda xarici işlər naziri Dmitri Kuleba və nazir Szijarto ilə görüşümüz zamanı əsas vəzifə olacaq".

Yermak qeyd edib ki, bu barədə artıq müəyyən razılaşma var.

"Dmitri Kuleba və mən bütün mövzuları nəzərdən keçiririk.  Macarıstan bizim qonşumuzdur, Macarıstan Avropa İttifaqının və NATO-nun üzvüdür. Ona görə də biz danışıb konstruktiv dialoq qurmalıyıq", - deyə o, əlavə edib. 

QAZİLER.AZ