Müttəfiqlərin yardımının azalması fonunda cəbhə xəttindəki Ukrayna qoşunları artilleriya mərmiləri çatışmazlığı ilə üzləşib.

Qaziler.az bildirir ki, bunu Ukrayna qoşunlarının "Tavriya" əməliyyat-taktiki qrupunun komandanı Aleksandr Tarnavski “Reuters”ə şərhində bildirib.

Tarnavskinin qeyd etdiyi kimi, problem ən çox postsovet mərmilərinə aiddir:

122 mm;
152 mm.

Xüsusilə, çatışmazlıq bütün cəbhə xətti boyunca hiss olunur.

“Bu gün əlimizdə olan yardımların həcmi ehtiyaclarımızı nəzərə alsaq, bizim üçün kifayət deyil”, - Tarnavski qeyd edib.

"Tavriya" əməliyyat-taktiki qrupunun komandanı sözlərinə görə, cənub-şərq cəbhəsindəki taqətdən düşmüş Ukrayna əsgərləri bəzi bölgələrdə müdafiəyə keçsələr də, digərlərində hücuma keçməyə çalışırlar.

"Bəzi ərazilərdə müdafiəyə keçdik, digərlərində isə hücum hərəkətlərini - manevr, atəş və irəliləyişi davam etdiririk. Və biz növbəti genişmiqyaslı əməliyyat üçün ehtiyatlarımızı hazırlayırıq", - deyə Tarnavski qeyd edib.

QAZİLER.AZ