Rusiyanın paytaxtı Moskvada 20-ci mərtəbədən pəncərə çərçivəsi qadın və uşağının üzərinə düşüb, faktla bağlı cinayət işi açılıb.

Qaziler.az bildirir ki, bu barədə dekabrın 14-də RF İK-nin şəhər üzrə Baş İstintaq İdarəsi məlumat yayıb.

“İstintaqın məlumatına görə, 2023-cü il noyabrın 30-da Gerasim Kurin küçəsində yerləşən yaşayış binasının 20-ci mərtəbəsinin hündürlüyündən pəncərə çərçivəsi 1993-cü il təvəllüdlü qadının və onun 2022-ci il təvəllüdlü azyaşlı uşağının üzərinə aşıb. Zərərçəkənlər xəsarət alıb. Hazırda onların həyatı və sağlamlığı üçün təhlükə yoxdur”, - deyə departamentin Telegram kanalında bildirilir.

Hadisə ilə bağlı  cinayət işi başlanıb. Rusiya Federasiyasının Cinayət Məcəlləsinin 238-ci maddəsi ("Təhlükəsizlik tələblərinə cavab verməyən xidmətlərin göstərilməsi").

Hazırda hadisənin baş vermə şəraiti araşdırılır.

QAZİLER.AZ