Rusiyanın “Muxtarın dönüşü” serialındakı rolu ilə tanınan Ukrayna Silahlı Qüvvələrinin sıralarına qoşulan teatr və kino aktyoru Vasili Kuxarski aldığı ağır xəsarət nəticəsində dünyasını dəyişib.
Qaziler.az bildirir ki, bu barədə dekabrın 7-də Podol şəhərindəki Kiyev Akademik Dram Teatrı məlumat yayıb.
“Vasili Kuxarski vəfat etdi. Aktyorla vida mərasiminin tarixini sonra açıqlayacağıq”, - teatrın “Facebook” səhifəsində deyilir.
Aktyor 2022-ci ildə Ukrayna Silahlı Qüvvələrinin sıralarına qoşulub. Bu ilin sentyabrında Kuxarski ağır yaralanıb. 42 yaşı var idi.
Kuxarski Jitomirdə doğulub boya-başa çatıb, ali təhsilini Kiyevdə alıb. Eyni zamanda o, Moskvada filmlərdə rol almağa başlayıb.
Ümumilikdə onun 38 rolu var. 2008-ci ildən aktyor Podol şəhərindəki Kiyev Akademik Dram Teatrında işləyib.
QAZİLER.AZ
